Beni cun me (RAI3)!

Una trasmissione TV a subra de is lìnguas in perìgulu de Sardigna

Adrià – Beni cun me est unu programma a subra de s’immensu patrimòniu linguìsticu e culturale de Sardigna, e in s’ispetzìficu a subra de is lìnguas pròpias de s’ìsula, totus in perìgulu d’estintzione segundu s’Unesco. Su trailer est inoghe, e is cantzones de Lo somrís de la magrana sunt sa colunna sonora de sa trasmissione.

Aquesta imatge té l'atribut alt buit; el seu nom és imatge-1-edited.png
Immàgine gràfica de Adrià – Beni cun me.

Registradu in s’istade de su 2019, amus fatu Sardigna in furgone, in chirca de persones e e eventos acapiados a is lìnguas autòctonas: s’aligheresu (su catalanu de s’Alighera), su sardu, su lìgure (tabarchinu), su turritanu (tataresu) e su gadduresu. Intre is invitados de sa trasmissione, ddoe est is aligheresos Claudio Gabriel Sanna (musitzista), Irene Coghene (Plataforma per la Llengua) e Giuliana Portas (Ufìtziu Lingùisticu), s’arrepadori casteddaju Dr. Drer; Remigio Scopelliti, ex-sìndigu de Câdesédda, e àteros ancora.

Sa tramissione est istada pensada dae su cumintzu comente un’iscàmbiu multilìngue cun s’iscopu de contribuire a sa visibilizatzione de is lìnguas de Sardigna, e aici puru verificare ancora una borta chi sa diversidade linguìstica no impedit sa cumprensione intre faeddadores de is lìnguas de s’ìsula.

Sa RAI etotu nd’at fatu una noa su 2 de ghennàrgiu, in su TGR de Rai3 [min. 17.20 h].

Custu blog, insandus, at a fàghere unu resumu de ònnia puntada, frunende puru calicuna ispiegatzione cumplementària. Ah! E onni intrada de su blog agabbat cun sa pròpiu fràsia in sa lìngua de su logu visitadu; a boisàteros de dda iscobèrrere!

Puntadas:
1) Casteddu, 3/1/2021
2) Câdesédda e U Pàize, 10/1/2021
3) S’Alighera 17/1/2021
4) Sàssari, 24/1/2021
5) Gaddura, 31/1/2021
6) Nùgoro, 7/2/2021

Càmera: Mauro Pes
Produtzione: Terra de Punt e EjaTV
Deretos: RAI3