Una trasmissione TV a subra de is lìnguas in perìgulu de Sardigna
Adrià – Beni cun me est unu programma a subra de s’immensu patrimòniu linguìsticu e culturale de Sardigna, e in s’ispetzìficu a subra de is lìnguas pròpias de s’ìsula, totus in perìgulu d’estintzione segundu s’Unesco. Su trailer est inoghe, e sa colunna sonora est fata dae is cantzones mias (publicadas in is CD Lo somrís de la magrana e De Sardenya a Califòrnia).
Registradu in s’istade de su 2019, amus fatu Sardigna in furgone, in chirca de persones e e eventos acapiados a is lìnguas autòctonas: s’aligheresu (su catalanu de s’Alighera), su sardu, su lìgure (tabarchinu), su turritanu (tataresu) e su gadduresu. Intre is invitados de sa trasmissione, ddoe est is aligheresos Claudio Gabriel Sanna (musitzista), Irene Coghene (Plataforma per la Llengua) e Giuliana Portas (Ufìtziu Lingùisticu), s’arrepadori casteddaju Dr. Drer; Remigio Scopelliti, ex-sìndigu de Câdesédda, e àteros ancora.
Sa de duas istagiones (ledàmine 2025) tratat, semper imperende is lìnguas de Sardigna, sa chistione de sa migratzione. Registrada intre is Istados Unidos de Amèrica (IUA) e Sardigna in is annos 2022-2025, is cuatru puntadas de sa sèrie includent intervistas a gente de Sardigna chi bivet o at bìvidu in is IUA, pro mi agiudare a detzìdere si su benidore miu siat in Califòrnia, Catalunya o forsis Sardigna.
Sa tramissione est istada pensada dae su cumintzu comente un’iscàmbiu multilìngue cun s’iscopu de contribuire a sa visibilizatzione de is lìnguas de Sardigna, e aici puru verificare ancora una borta chi sa diversidade linguìstica no impedit sa cumprensione intre faeddadores de is lìnguas de s’ìsula.
Sa RAI etotu nd’at fatu una noa su 2 de ghennàrgiu de su 2021, in su TGR de Rai3 [min. 17.20 h].
Custu blog, insandus, at a fàghere unu resumu de ònnia puntada, frunende puru calicuna ispiegatzione cumplementària.
Puntadas de sa de duas istagiones:
Puntadas de sa prima istagione
Onni intrada de su blog agabbat cun sa pròpiu fràsia in sa lìngua de su logu visitadu; a boisàteros de dda iscobèrrere!
1. Casteddu, 3/1/2021
2. Câdesédda e U Pàize, 10/1/2021
3. S’Alighera, 17/1/2021
4. Sàssari, 24/1/2021
5. Gaddura, 31/1/2021
6. Nùgoro, 7/2/2021
Càmera: Mauro Pes
Produtzione: Terra de Punt e EjaTV
Deretos: RAI3