Passigende in s’istagnu de Calic, in L’Alguer, regordo su biàgiu chi apo fatu in sa East Coast de is Istados Unidos, in ue apo visitadu a Maurizio Piroddi in New Jersey. Cun issu e is fìgios suos, a chie chircat de imparare su sardu in mesu a un’ambiente anglòfonu, semus andados a nord de s’istadu de New York, pro connòschere a Davide Porcu, chi bivet cun sa famìlia inghiriadu de natura.
In fines, faeddamus cun Francesc Usai, un’aligheresu chi traballat comente diretore de unu campègiu, e chi nos at contadu pro ite non diat pòdere bìvere in nissunu àteru logu de su mundu.
