De Sardenya a Califòrnia no est isceti su tìtulu de s’ùrtimu discu cosa mia. Est puru s’istòria de comente so lòmpidu, in su 2021, in Puvungna —su nòmine indìgena de sa zone chi in inglesu est connota comente Long Beach. Nche so andadu cun unu cuntratu de professore de tradutzione pro sa California State University, e apo connotu deretu sa comunidade sarda de Califòrnia. In su 2025, in vacàntzia in is prajas de s’Argentiera, torro a addobiare s’amigu Bisenti Porcu, mere de su ristorante Carasau de Culver City, acanta de Los Angeles. In paris, regordamus sa die chi amus invitadu is amistades sardas a chenare totu is delìtzias de su Carasau. Apo a visitare puru sa domo de Mirko Pisu, chi at biagiadu in Califòrnia e at agatadu s’amore.
